​ئەمڕۆ یەکشەممە 19-4-2026، لە کەشێکی وەرزشیدا، دوای تەواوبوونی یاری نێوان هەردوو یانەی ئاکرێ و زاخۆ لە دوا گەڕی ڕکابەرییەکاندا، ڕێوڕەسمی بەخشینی مێدالیا و خەڵاتی پلەی دووەمی خولی نایابی کوردستان بۆ وەرزی 2025-2026 بەڕێوەچوو.

​ڕێوڕەسمەکە بە ئامادەبوونی سەرۆک و سکرتێر و ئەندامانی یەکێتی تۆپی پێی کوردستان ئەنجامدرا، کە تێیدا خەڵات و مێدالیای زیو پێشکەش بە یانەی زاخۆ کرا وەک دووەمی خولەکە.

​یەکێتی تۆپی پێی کوردستان پیرۆزباییەکی گەرم لە یانەی زاخۆ دەکات بۆ بەدەستهێنانی ئەم دەستکەوتە لە خولی نایابی کوردستان، لە هەمان کاتدا هیوای سەرکەوتن و ئەنجامی باشتر بۆ سەرجەم یانەکانی تر دەخوازێت لە وەرزی داهاتوودا.